Ayudas económicas DEGAN

Estimado deportista:

A través deste correo infórmámosche que a Fundación Deporte Galego ven de publicar hoxe xoves 14 de novembro de 2013 no DIARIO OFICIAL DE GALICIA a “Convocatoria de Axudas a Deportistas Galegos/as de Alto Nivel, para a súa preparación e participación en competicións deportivas”.

Este programa de axudas é unha actuación máis na liña de garantir o apoio necesario para que sigas mellorando o teu rendemento deportivo e co que pretendemos axudarche na túa dedicación ao deporte de alto nivel.

As bases desta convocatoria poderás atopalas na web deporte.xunta.es e no taboleiro de anuncios da Fundación Deporte Galego dende hoxe (tamén as podes revisar en formato PDF neste mesmo correo).

O prazo de presentación das solicitudes no rexistro da Fundación Deporte Galego comezará hoxe e rematará o vindeiro venres 29 de novembro, valorándose os resultados acadados no período comprendido entre o 1 de xaneiro e o 31 de decembro de 2012, ámbolos dous incluídos.

A instancia de solicitude e a documentación correspondente poderá presentarse de dous xeitos:

• No Rexistro da Fundación Deporte Galego: Estadio Multiusos de San Lázaro, Porta 4 (15781 Santiago de Compostela).
• Mediante correo certificado, nos termos previstos no Real Decreto 1829/1999, de 3 de decembro, que aproba o Regulamento dos servizos postais.

Non se admitirán as solicitudes presentadas noutros rexistros distintos dos arriba mencionados.

A documentación a presentar por todos os/as solicitantes é a seguinte:

-        Anexo 2. Instancia de solicitude de axuda

-        Anexo 3. Certificado da federación.

-        Anexo 4. Declaración doutras axudas do ano 2013

-        Anexo 5. Memoria 2012

-        Anexo 6. Proxecto deportivo 2013 ou 2012/13

-        Anexo 7. Ficha solicitude transferencia bancaria

-        Copia do DNI (ou marcar SÍ no anexo 2, apartado AUTORIZACIÓN COMPROBACIÓN DATOS)

-        3 certificados de estar ao corrente de obrigas con:

a..1        Axencia Tributaria Estatal (AEAT)

a..2        Seguridade Social

a..3        Consellería de Facenda da Xunta de Galicia.

http://deporte.xunta.es/index.php?idMenu=67&int1=2384&idIdioma=2